Kínaferð Þorgerðar Katrínar.

Þorgerður Katrín Gunnarsdóttir.

 

Ferðin.

 

Þorgerður Katrín Gunnarsdóttir skellti sér á Ólumpíuleikanna á dögunum ásamt fylgdarliði.

Með henni í för var eiginmaður hennar og ráðuneytisstjórinn og eiginkona hans.

Þetta fríða föruneyti fór ekki einu sinni til Kína, nei og nei heldur fór liðið tvisvar sinnum.

Fyrri ferðin var frá 5 -14 ágúst og kostaði skattgreiðendur um þrjár miljónir, en seinni ferðin

var frá 23 - 25 ágúst og kostaði litlar tvær miljónir. Og skal tekið fram að eiginkona ráðuneytisstjóra

var ekki með í þeirri ferð.

Fimm miljónir takk fyrir, það er ekkert smáræði.

Auðvitað er þetta ekki skemmtiferð nei ekki aldeilis og ráðherra og stjóri ráðuneytisins verða auðvitað að hafa dagpeninga.

Dagpeningar ráðherra eru 30,134 kr á dag svo ráðherrann hefur verið með um 390,000 í dagpeninga í þessum ferðum.

 

Ferð no 2.

 

Það er örugglega ekkert að því að ráðherra íþróttamála sé viðstaddur viðburði sem þessa.

En var nauðsynlegt að rjúka aftur til kína og eyða tveimur miljónum til viðbótar fyrir aðeins

tveggja daga ferð ?

Verður ekki að gæta smá hófsemi í þessum hlutum ?

Svo var Ólafur forseti og frú á staðnum sem fulltrúar þjóðarinnar.

Það verður nú fróðlegt að sjá hvað kostnaðurinn hjá forsetanum var hár.

Mér finnst þetta algjört bruðl og til skammar að fara svona með peninga skattgreiðenda.

Sá til að mynda var kostnaður flugfargjalda ráðherra og maka í seinni ferðinni um 1.3 milljónir.

Er eitthvað vit í þessu ?

Þetta er sóun á almannafé og ekkert annað.  

 

 

 

 

 

 

 

 

 

 

 

 

myndir.

 

Beverley og Jens

 

Jæja Þá eru komnar nokkrar myndir úr brúðkaupinu inn í albúmið, það koma fleiri síðar.

Gísli í skóla og borgin borgar.

Gísli Marteinn Baldursson.

 

Það eru ekki allir eins heppnir og borgarfulltrúinn okkar hann Gísli Marteinn Baldursson .

Hann fer í haust í Edinborgarháskóla til að stunda nám í borgarfræðum.

Og lukkan hans er sú að hann er á launum hjá borginni á meðan, en hann segist ætla að

stunda þá vinnu sem hann var kosinn til að sinna samhliða náminu.

Duglegur er Gísli án efa, en ég efa að hann geti sinnt náminu og störfum sínum í borginni á

sama tíma.

Það verður fróðlegt að vita hvað ferðakostnaður hans verður hár í vetur, það verður feitur reikningur

því hann verður meira og minna á ferðinni ef hann ætlar sér að gera þetta með sóma.

Og auðvitað verður hann að borga farmiðana sjálfur hvað annað.

 

Nú var Gísli búinn að tala um að segja sig úr nefndum og ráðum á vegum borgarinnar.

En hann ætlar sér að vera í forsætisnefnd sem færir honum 108 þús á mánuði.

Gísli segir að þetta sé lítill nefnd og aðeins sé búið að kalla nefndina saman 5. sinnum á þessu ári,

ef svo er finnst mér 108 þús á mánuði fyrir litla sem enga vinnu ekki slæm laun.

Þannig að Gísli verður þá með um 325 þús í laun samanlagt á mán hjá borginni.

því hann hefur 216 þús sem borgarfulltrúi á nefndarsetu.

 

Það verður fróðlegt að fylgjast með í vetur hvernig þetta kemur til með að ganga upp hjá Gísla.

 

En auðvitað vita allir að þetta kemur aldrei til með að ganga upp hjá stráknum.

Ef hann ætlar að stunda nám þá stundar hann námið og fer úr vinnunni.

Að halda þessum blekkingarleik áfram er mjög heimskulegt af honum því allir sjá í gegnum þetta.

Það verður ekki látið líðast að hann verði í vinnu hjá borginni bara að nafninu til.

Ef hann ætlar að þiggja laun skal hann vinna fyrir þeim.

 

 

 

 

Gísli Marteinn: Ákveðinn misskilningur í gangi

Rugl og aftur rugl.

 Maður hlær sig alveg máttlausan, þegar maður les fréttir eins og þessa.

 

Nú á að gefa rósir gegn ruglinu.

 

Svo ætlar læknirinn og borgarfulltrúinn

Dagur B. Eggertsson að skrifa uppá rauða pillu fyrir borgarbúa sem væri ráð gegn ruglinu.

Ég held að það væri nóg að borgarfulltrúarnir (og þá meina ég alla)

tækju einhver lyf við ruglinu sem hefur átt sér stað í ráðhúsinu á þessu kjörtímabili.

 

Þetta er skemmtilegt rugl hjá Degi B.

og félögum.

 

 

 

 

 

 

 

 

 

 

 

 

 

 

 

 

 

 

Rós og ráð gegn rugli

Farsinn heldur áfram.

 

Ekki er öll vitleysan eins svo mikið er víst.

Nú stefnir allt í það að við fáum nýjan borgarstjóra.

Þá hafa verið fjórir borgarstjórar á launum síðastliðið

ár.

Vilhjálmur var búinn að vera rúmt ár þegar hann var

sleginn af í október á síðasta ári, Dagur var búinn að vera

þrjá mánuði þegar honum var velt úr sessi, og svo Ólafur

um sex mánuði eða eitthvað svoleiðis þá fellur hann.

Þessi farsi er með ólíkindum.

Á maður að hlæja eða gráta ?

Ég er ekki viss.

En eitt veit ég, þetta er eitt það allra heimskulegasta

leikrit sem ég hef séð.

Og rjóminn í vitleysunni er að Óskar ætlar að hoppa upp

í rúm hjá sjálfstæðisflokknum aftur, ekki hafa menn langtíma minni í borgarstjórninni.

Það sem þyrfti að gerast hjá sjálfstæðisflokknum er að henda út öllum þeim borgarfulltrúum

sem eru í stjórn núna.

flokkurinn hefur aldrei átt eins auman hóp af borgarfulltrúum og nú.

það er enginn og þá meina ég enginn sem hefur forustuhæfileika í þessum hóp, svo mikið er víst.

Þetta kjörtíma bil er búið að vera sjálfstæðisflokknum í Reykjavík til skammar.

Ég kýs ekki sjálfstæðisflokkinn aftur í Reykjavík með þetta lið innanborðs.

 

Hanna Birna og Óskar á fundi

Agnes niðurlægir sjálfan sig.

             

                                                  

Árni Johnsen er enginn engill svo mikið er víst, hann hefur sagt ýmislegt misjafnt um

menn og málefni í gegnum tíðina.

En ég held að hann hafi aldrei verið eins grófur og Agnes var í morgunþættinum á bylgjunni,

Þar sem hún fór hamförum, og rakkaði Árna niður í svaðið með þvílíkum gífuryrðum að annað

eins hefur sennilega aldrei heyrst á öldum ljósvakans.

Þessi ummæli Agnesar um Árna eru alveg með ólíkindum.

Árni braut landslög eins og allir vita, en hann er búinn að taka út sína refsingu.

Mér er spurn talar Agnes svona um alla sem hafa misstígið sig í lífinu ?

Agnes dæmdi sjálfan sig mjög harkalega með þessum ummælum.

Hún ætlaði að niðurlægja Árna en tókst ekki betur en svo að niðurlægingin varð hennar.

 

Árni stefnir Agnesi

Rugl.

Jakob

Ég er ekki hissa á því að fólk vilji fá svör við nokkrum spurningum varðandi

ráðningu Jakobs Frímanns Magnússonar sem verkefnisstjóra miðborgar.

Satt að segja er ég alveg gáttaður á þessari ráðningu.

Og það eru spurningar sem ég vildi fá svör við líka.

Hvað hefur Jakob gert svo hann verðskuldi við þessa ráðningu heilar 860.000

krónur á mánuði í lámarkslaun ?

Þegar verkefnisstjóri upplýsingamála hjá borginni getur í mestalagi haft 368.000 kr

á mánuði fyrir 40 stunda vinnuviku og 12 ára starf ?

(en verkefnisstjórar eiga möguleika á 200.000 aukalega, en þá er um að ræða 40-50 stundir í yfirvinnu á mánuði)

Með þessari ráðningu hef ég endanlega misst allt álit á sjálfstæðismönnum í borgarstjórn og Ólafi.

 

Spurt um ráðningu Jakobs Frímanns

Hafís.

Það var nóg af hafís á miðunum austur af Newfoundland í Apríl.

Hér eru nokkra myndir frá síðasta túr, fleiri myndir eru í albúminu.

                 

Landsins forni fjandi.                                               Stundum er veðrið fallegt.

                

Verið að toga.                                                          Tveir fornir fjandar, ég og ísinn.

                  

Ansi þéttur á köflum.                                                  Nóg af honum.

Olíuverðið er brjálæði.

Heimsmarkaðsverð á hráolíu fór í sögulegt hámark í dag þegar tunnan fór í 108 dollara.

Þess má geta að verðið á olíunni hefur hækkað um heil 25% síðastliðin mánuð,

Og ekki er sagan öll því fjármálaspekingar spá því að hún muni hækka enn næstu daga.

Stjórar OPEC-ríkjanna hittust í Austurríki í síðustu viku nánar tiltekið í Vínarborg, og voru

þeir að sjálfsögðu ánægðir með gróðann í olíubransanum í dag.

En þeir segja að jafnvægi sé á eftirspurn og framboði svo ekki sé því um að kenna.

En það eru komin hættumerki á fjármálamörkuðum vegna þessa.

Ég veit ekki hvar þetta endar eiginlega, þetta er orðið algjört brjálæði þetta olíuverð.

Og það virðist ekkert vera neitt lát á þessum hækkunum.

Það er ekki orðið spennandi að fara á bensínstöðvarnar og fylla á tankinn nú til dags.

Hvað þá fyrir útgerðina að fylla á skipin sín.

Bíllinn er að verða mjög þungur hluti af rekstri heimilisins, Þannig að nú er ekkert annað gera

en að drífa alla í strætó.

Björgunarþyrla með aðsetur á Akureyri.

Jæja núna er loksins kominn aðstaða á Akureyri fyrir Björgunarþyrlu.

Hingað til hefur ekki verið hægt að hafa þyrlu þar vegna þess að

aðstöðuna vantaði.

En núna er hún komin svo er þá nokkuð til fyrirstöðu að koma einni vélinni norður ?

Þetta er búið að vera til skammar hvað það hefur tekið langan tíma að

staðsetja björgunarþyrlu fyrir norðan, hún hefði átt að vera komin þangað

fyrir mörgum árum.

En betra er seint en aldrei, og vonandi fer eitthvað að ske í þessum málum.