Húsið veldur svima.

Skemmtileg frétt.

Þetta hús sem er til sýnis á þýsku eynni

Usedom veldur fólki svima.

Stólar, teppi og borð eru til að mynda fest

upp í loftið sem sagt allt á hvolfi.

Ég er ekki hissa á því að fólki sundli dálítið.

Það væri nú ekki gott að vakna inn í svona húsi

alveg gler timbraður eftir vel heppnað næturgaman.

 

Hús á hvolfi veldur svima

Sluppum vel núna.

Leoni Theresa

 

Sem betur fer fór allt vel að lokum er olíuskipið Leoni Theresa strandaði í Sundunum á Ísafirði.

Engin mengun eða slys, þannig að þetta endaði semsagt vel.

 

En Leoni Theresa er bara lítið skip, en samt sem áður gæti orðið mikil mengun ef gat hefði komið

á skrokkinn og olía lekið í sjóinn.

 

Þannig að ef olíuhreinsunarstöð á vestfjörðum yrði að veruleika þá verða olíuskipin sem eiga leið

með strandlengjunni okkar talsvert mikið stærri.

Og þá er auðvitað miklu meiri hætta á stóru mengunarslysi.

 

Olíuskip að stærri gerðinni.

 Svona skip yrðu algeng hér við land.

 

 

En vonandi verður farið vel yfir allt hvað varðar siglingar þessara skipa hér strendur, ef af þessari hreinsunarstöð verður.

En það er nú eitthvað verið að vinna í þessum málum hvað varðar siglingar þessara stóru skipa

í landhelginni okkar, það veitir ekki af að herða eftirlitið með skipaferðum um landhelgina.

Því öryggið er aldrei of mikið í þessum efnum frekar en öðrum.

 

 

 

Vonandi verðum við ekki vitni að svona atburðum við landið okkar.

Nei setjum öryggið á oddinn og setjum strangar öryggis reglur um ferðir

skipa sem sigla um landhelgina okkar með hættulega farma.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Óvíst hvað olli bilun í olíuskipi

Olían lækkar.

Það eru góðar fréttir að tunnan af olíu er komin

undir 100$.

Tunnan hefur lækkað um tæpa tvo dali frá því í gær, þetta eru frábærar fréttir.

Eina sem er leiðinlegt, er það að dollarinn hefur ekki verið svo hár á Íslandi síðan 2002, hann er núna rúmar 90 krónur.

Og því miður held ég að hann sé ekkert að fara að detta neitt niður á næstunni því miður.

Nei hann mun hækka eitthvað meira til viðbótar.

Evran er komin í 128 krónur, þetta er klikkun.

 

En það er engu að síður gott að olían er að falla.

 

Ætli olíufélögin á Íslandi muni eftir því að lækka hana ?

 

Olíuverð komið undir 100 dali

Sagan endalausa.

Er ekki nokkur leið fyrir Íslendinga að öðlast festu og stöðuleika í húsnæðiskerfinu ?

 

 

Er það furða þó maður velti þessu fyrir sér ? Sorgleg er sagan orðin, og virðist vera endalaus.

 

Stjórnmálaflokkarnir hafa í gegnum tíðina verið ansi borubrattir fyrir kosningar ekki vantar það

og lofað og lofað öllu fögru.

Upp úr miðri síðust öld kom Sjálfstæðisflokkurinn með ansi gott slagorð, sem hljóða svo.

EIGN FYRIR ALLA.

Með þessu vildi flokkurinn sína að hann ætlaði sér að berjast fyrir því að allar fjölskyldur gætu

eignast sína eigin íbúð og þyrftu ekki að vera leiguliðar.

En auðvitað var enginn fótur fyrir þessu slagorði frekar en öðrum eftir þetta.

Á þessum tíma voru lífeyrissjóðirnir nánast ekki til og mjög erfitt og varla hægt að fá opinbert lán

til húsnæðisbygginga.

En fólk á þessum tíma var duglegt við að byggja sjálft og lagði mikið á sig, þannig varð þeirra

eigin vinna stór þáttur í því að fólk gat eignast eigin íbúð.

 

En á áttunda áratugnum kom hin fræga óðaverðbólga. Allir vita hvernig það var ÚFFFF.

Á nýunda kom verðtrygging og frjálsir vextir. voru þá háir vextir og verðtryggingin að drepa fólk.

En á tíunda og fyrstu árum þessara aldar, fóru bankarnir að lána til 40. ára á lágum vöxtum.

Og efnahagsstöðuleiki til nokkurrar ára breytti myndinni, og fólk tók þessi lán og vildi trúa því

að nú væri tími festu og stöðuleika loksins genginn í garð, og bjartsýni var ríkjandi í þjóðfélaginu.

En Adam var ekki lengi í Paradís.

Ó nei og nei núna er staðan sú að það er sama hvernig fólk borgar af þessum lánum þau einungis

hækka og hækka.

Og umhverfið er orðið þannig að nú er ætlast til að fyrirvinnur fjölskyldunnar sé tvær.

Og ungt fólk og einstæðir foreldrar eiga ekki möguleika á að eignast eigin íbúð með góðu móti.

 

Og leigumarkaðurinn er orðinn ansi smart. Algengt verð á tveggja herbergja íbúð er 80 - 120 þús.

 

 

Við verðum að finna leiðir til að skapa festu og stöðuleika í húsnæðiskerfinu okkar.

Því miður virðist ekki vera vit eða áhugi hjá stjórnarflokkunum til þess að svo verði.

 

 

Múslímskar konur og blæjan.

 

 Hvers vegna eiga múslímskar konur að bera blæju ?

Nú er sagt að það standi ekkert í kóraninum

um að konur eigi að bera blæju.

 

 

Íslömsk Kona með blæju.

 

Maður er að rekast á þessar konur allstaðar, og alltaf finnst mér jafn skrítið að þær skuli bera 

þessar blæjur.

Mér finnst svo leiðinlegt að geta ekki fengið að sjá þessar konur, og einhvernvegin finnst mér

að þeim hljóti að finnast þetta frekar leiðinlegt að þurfa að hylja sig svona.

 

Hvað segir Kóraninn.

Það er víst rétt að hvergi í kóraninum er konum skipað að bera blæju.

En það er texti sem oft er vitnað til varðandi blæjuna, og er hann að finna í 24. þætti kóransins

og 31. versi,  þar sem konum er boðið " að hverfa sjónum sínum burt frá freistingum og vernda

hreinleik sinn, að hylja sína prýði, nema þá sem sýnd er að eðlilegum hætti, að bregða blæju

yfir barm sinn og eigi sýna fegurð hans öðrum en eiginmanni sínum...".

Í 33. kafla, 60. versi, er konum líka ráðið til  "að sveipa þétt að sér skikkjum sínum."

 

 

En Hvað ?

 

Sú hefð að íslamskar konur beri blæju er yngri en trúin.  Engu að síður var þessi hefð til staðar,

að minnsta kosti í Sýrlandi og Mesópótamíu (nú Írak) löngu fyrir daga Múhameðs.

Í lögbók frá um 1100 f.kr. kemur fram að giftar konur og siðsamar dætur skuli blæju utandyra.

  Hidjab samheiti yfir slæður, blæjur og skikkjur, varð á 20. öld mikið til umræðu í mörgum

íslömskum samfélögum.  Í Egyptalandi varð til femínistahreyfing sem kom mörgum konum til að

varpa blæjunni fyrir róða og stjórnvöld sem aðhylltust vestræn sjónarmið, t.d. í Tyrklandi  og

Íran, hreinlega bönnuðu konum að bera slæður, þar eð þær væru merki þess að konur væru 

lægra settar.

 

Mismunandi skikkjur.

 

Með  fullri virðingu fyrir trúnni og hefðinni.

Finnst mér tími til kominn að múslímskar konur

fá að varpa af sér blæjunni.

Mér persónulega finnst þetta svo mikil niðurlæging fyrir konurnar.

 

 

Tilvitnanir í kóraninn eru sóttar í þýðingu

Helga Hálfdánarsdonar 1933.

 

 

 

Klukk.

Erlingur Þorsteinsson Klukkaði mig svo ég verð að svara spurningunum.

Og klukka fjóra aðra bloggara.

 

 

1.  Fjögur störf sem ég hef unnið um ævina.

 

Háseti

Kokkur

Stýrimaður

Skipstjóri.

 

2.  Fjórar bíó myndir sem ég held uppá.

 

Englar alheimsins

Holy Grail

Bravehart

Godfather

 

3.  Fjórir staðir sem ég hef búið á.

 

Vopnafjörður

Reykjavík

La Marina

Harbor Grace

 

4.  Fjórir staðir sem ég hef heimsótt í fríum.

 

Portúgal

Spánn

Danmörk

England

 

5.  fjórir sjónvarpsþættir sem mér líkar.

 

Fréttir

Kastljós

Út og suður

Enski boltinn

 

6.  Síður sem ég skoða daglega (fyrir utan bloggsíður)

 

skip.is

mbl.is

visir.is

fotbolti.net

 

7.  Fernt matarkyns sem ég held uppá.

 

Ný Ýsa + nýjar kartöflur og smjör

Lambalæri + brúnaðar kartöflur, ORA grænar rauðkál og brún sósa

Skerpukjöt

Newfie Jiggs Dinner. (saltað nautakjöt,kjúklingur,gulrætur,rófur,hvítkál,kartöflur,sósa,og gular baunir)

 

8.  Fjórar bækur/blöð sem ég les oft.

 

The Navigator

Newsweek

Time

Lifandi vísindi

 

9.  fjórir staðir sem ég vildi helst vera á núna.

 

Breiðholts sundlauginni

Færeyjar

Vopnafjörður

Rúmið mitt  ( klukkan er orðin svo margt)

 

10.  Fjórir bloggarar sem ég klukka.

 

Siggi

Rúna

Guðsteinn Haukur

Guðný Anna

 

 

Svangir karlar - stórar konur

Leiðin að hjarta mannsins liggur í gegnum magann,

svo hefur löngum verið sagt.

 

 

Í nýlegri rannsókn við Newcastle - háskóla í Englandi spurðu vísindamenn tvo hópa

karlkyns stúdenta nokkra spurninga og kom þá í ljós að svangir karlar sýndu meiri

áhuga á stórvöxnum konum en saddir karlar.

Dr. Martin Tovée telur að líklegasta ástæðan sé sú að svangir vilji helst komast í

félagskap við fólk sem ber það með sér að vera vel nært, því það fólk virðist greinilega

eiga auðvelt með að nálgast fæðu.

 

Þetta kallar maður mögnuð vísindi, stórmerkileg uppgötun.

Ólafur ódýrari en Þorgerður.

Forsetahjónin.

 

Jæja þá er það víst komið á hreint hvað heildarkostnaður á ferð forsetahjónanna og forsetaritara á

Ólympíuleikanna í Peking var mikill.

Kostnaður ferðarinnar sem var stóð frá 18 - 26 ágúst var tæpar 2.8 miljónir.

 

En kostnaður við ferðir Þorgerðar Katrínar menntamálaráðherra ásamt maka sínum,ráðuneytisstjóra og maka nam hinsvegar tæpar fimm miljónir.

 

Þetta sínir svart á hvítu hvaða bruðl og óráðsía á sér stað í menntamálaráðuneytinu.

 

 

 

Konur og bílar.

Er þetta virkilega svona ?

 

Frúin á bryggjurúntinum.

 

Þessi fröken sýndi mikla leikni í að leggja bíl í stæði.

 

Þessi dama hefur sýnt sérstaka færni.

 

 

Æi búin að festa bílinn.

 

Þessi hafði ekki góða reynslu af því að lána konu bílinn sinn.

 

Þetta er bara smá djók.

Konur eru afbragðs bílstjórar.

 

Einn ástsælasti sonur þjóðarinnar.

 Herra Sigurbjörn Einarsson.

 

Með Herra Sigurbirni Einarssyni er genginn einn ástsælasti sonur sem Íslenska þjóðin hefur eignast.

 

Hans verður minnst sem öflugasta málsvara kristni og mannúðar á Íslandi.

Predikanirnar hans, sálmar og bænir hafa snert við hjörtum allra íslendinga í gegnum tíðina,

því enginn hefur boðað fagnaðarerindið hér á landi á svo einlægan hátt sem Herra Sigurbjörn.

Enda eru bænir, predikanir og sálmar hans fyrir löngu orðnar klassík.

 

Herra Sigurbjörn Einarsson fæddist árið 1911.

Hann giftist Magneu Þorkelsdóttur árið 1933.

Frú Magnea lést þann 10 apríl 2006.

Eignuðust þau 8. börn.

 

Herra Sigurbjörn tók við Breiðabólstaðarprestakalli 1.sept 1938 og vígðist hann sama ár.

Honum var veitt Hallgrímsprestakall í janúar 1941 og var þar til ársins 1944 þegar hann gerðist

dósent í guðfræði við Háskóla Íslands, og varð hann prófessor í Guðfræði við sama skóla árið 1949,

hann gegndi því starfi til 1959 er hann varð Biskup Íslands.

Og Biskup var hann til ársins 1981 eða í alls 22.ár.

 

Predikanir hans voru perlur, og eru fyrir löngu orðnar klassík.

Líkingar hans voru oft hnyttin og fyndin.

Eins og þess texti sem er í senn fyndinn og mjög djúpur.

 

"Líf flestra manna er líkast kirkjusvefni.

Þeir sofa þangað til sagt er "amen".

Þá hrökkva þeir upp. En þá er um

seinan að heyra, eilífðarboðskapinn og

taka á móti blessunin frá Drottni.

Þannig vaknar margur þá fyrst

þegar dauðinn nálgast og segir sitt

amen yfir lífi þeirra."

 

 

Fáir hafa verið eins öflugir málsvarar Íslenskrar tungu eins og Herra Sigurbjörn Einarsson var.

Enda má svo sannarlega segja að predikanir hans hafi verið málfarsundur því hann lék sér svo

faglega með Íslenskuna þannig að úr urðu meitlaðar og hlýjar setningar, sem allir vildu hlusta á.

 

Hann var líka öflugur á ritvellinum og liggur mikið eftir hann þar á bæ.

Sigurbjörn skrifaði mikið af fræðibókum til að mynda kennslurit um trúarbragðarögu og hann þýddi mikið af sálmum og trúarritum.

Þekkt rit eftir hann eru til að mynda Trúarbrögð mannkyns og Opinberun Jóhannesar.

Einnig gaf hann út fjölda bóka um hugvekjur og predikanir til að mynda bækurnar,

Meðan þín náð, Helgar og hátíðir, Konur og Kristur, Sárið og perlan.

Hann samdi og þýddi fjölda sálma í sálmabók þjóðkirkjunnar.

 

Ég er nokkuð viss um sjaldan eða aldrei hafi Íslenska þjóðin virt nokkur hjón eins mikið,

eins og hún virti og elskaði heiðurshjónin Herra Sigurbjörn Einarsson og frú Magneu Þorkelsdóttur.

Það geislaði af þeim hjónum mannelska, og ástúð og svo mikil hlýja.

 

Ég veit að það er tekið vel á móti honum í himnaríki, þeim stað sem hann hefur verið að segja

okkur frá alla sína tíð.

 

Blessuð sé minning Herra Sigurbjörns Einarssonar.