Aumur leiðtogi.

Ég held því miður að Bjarni Benediktsson sé veikasti formaður Sjálfstæðisflokksins frá upphafi.

Ég hélt í alvöru að Bjarni myndi verða traustur leiðtogi í endureysnar starfi flokksins. En hann hefur aldeilis sýnt okkur að hann er gjörsamlega máttlaus sem formaður. Fyrir það fyrsta kemur hann mjög illa fyrir í fjölmiðlum, hann á mjög erfitt með að koma fyrir sig orði og virkar afar ótraustvekjandi og stundum hreinlega hlægilegur.

Til að mynda var hann spurður í kosningarþætti á Rúv hvað hann vildi að gert yrði í atinnumálunum, þá stundi hann upp úr sér að tvö álver yrðu góður kostur til að leysa vandan. Hahahahh Þarf ekki eitthvað meira ?

Síðan setti hann alveg upp á bak þegar hann sagði að það væri Aukaatriði sem skipti engu máli hvort þingmaður flokksins hafi orðið tvísaga um styrkjamálið eða ekki. Úffffff sem sagt allt í lagi að skrökva smá, jú því önnur úrlausnarefni, eru brýnni. Og styrkjamálið er til líkta leitt grafið og gleymt SORRY.

Og Bjarni taldi að áhugi fjölmiðla á styrkjamálinu óeðlilegan. Hhahahahaha hann getur verið alveg drep fyndinn kallinn.

Þetta er ekki glæsilegt lið sem er í forustu sveit flokksins í dag og mun flokkurinn gjalda þess í komandi kosningum.

Jónas Kristjánsson komst ansi vel að orði.

"Helstu foringja Sjálfstæðisflokksins rekur án stýris um gráu siðferðishöfin. Formaðurinn nýi kemur úr einu af frægum fyrirtækjum samráðs gegn almenningi, bensínbransanum. Varaformaðurinn fékk tugmilljón króna kúlulán út á andlitið á sér. Annar leiðtoginn í Reykjavík fékk milljarða innspýtingu í illa rekinn sjóð, hinn fræga sjóð 9 í Glitni. Hinn leiðtoginn í Reykjavík er margsaga um afskipti sín af tugmilljóna herfangi Flokksins úr FL Group og Landsbankanum. Frægasti frambjóðandi Flokksins á Suðurlandi er gamall tukthúslimur fyrir hirðusemi í opinberum rekstri. Samanlagt er þetta nokkuð sjúskaður flokkur."

 

Gleðilega Páska.

 

 

Furðulegir gjörningar.

Margt skrítið á sér stað bak við gardínurnar í Valhöll þessa dagana.

Styrkur FLhefur haft dapurlegar afleiðingar fyrir flokkinn og á sjálfan Föstudaginn langa sem hægt er að skammstafa FL, er ráðist til atlögu og framkvæmdastjóranum hent út á gaddinn, og menn halda að allt verði nú gott og blessað.

Saklaus maður skyldi nú verða krossfestur svo syndir flokksins yrðu fyrirgefnar. Og á sjálfan FL yrði þetta gert líkt og forðum. En var þá ekki krossfestur saklaus maður ? Og með honum voru krossfestir tveir sakamenn sitt hvoru megin við hann. Hvar eru krimmarnir sem Sjallarnir ætla að krossfesta með Andra ? Væri ekki tilvalið að henda Þorgerði Katrínu og Guðlaugi Þór út með Andra og fullkomna gjörninginn ?

Andri Óttarsson er drengur góður sem lenti því miður í slæmum félagsskap.

Andri hættir störfum

Hreinsa verður út.

Það verður að taka betur til í flokknum.

Það er ekki nóg að tala bara saman og halda að þannig öðlist flokkurinn fyrra traust kjósenda sinna. Nei það þarf meira til. Sem betur fer eru nokkrir núverandi þingmenn flokksins sem höfðu vit á því að vera ekki að gefa kost á sér áfram til þess að vera í þingliði flokksins, ég nefni engin nöfn. En það eru fleiri sem verða að víkja ef flokkurinn ætlar að braggast aftur.

Þorgerður Katrín Gunnarsdóttir, Guðlaugur Þór Þórðarson, Sigurður Kári Kristjánsson, Birgir Ármannsson og Pétur Blöndal.

Þessi hópur í það minnsta verður að hverfa af listum flokksins, þetta lið virkar eins og graftarkýli á flokkinn. Þannig að þessi kýli verða að hreinsast.

Þegar riðuveiki leggst á fé þá er allt skorið sem í fjárhúsinu er, allt gjörsamlega hreinsað. Sumar rollurnar sem urðu fyrir hnífnum voru ekki með riðu en hinar riðuveiku sáu til þess að allt var skorið. En vonandi hafa sjálfstæðismenn vit á að henda hinu sýkta út í það minnsta.

Þingflokkur fundar í dag

Sirkus Geira Smart.

Það er ekki laust við að vandræðagangurinn er orðinn leiðinlega mikill og vandræðalegur fyrir sjálfstæðismenn. Foringjarnir eru eins og beljur á svelli, er þeir koma fram í fjölmiðlum til þess að svara fyrir flokkinn. Þjóðin hlær af þessum trúðum því svo heimskuleg eru þau blessunin.

Þorgerður fer á kostum í frétt á mbl.is

Hún er óborganleg, hér koma nokkrar setningar hafðar eftir frúnni. " Við höfum farið í okkar uppgjör á heiðarlegan og opinskáan hátt og við munum ganga hreint til verks." Þorgerður hefur átt sér stað eitthvað uppgjör hjá sjálfstæðisflokknum ? Þorgerður hefur þú gert þjóðinni grein fyrir þínum málum, til að mynda kúlulánið fræga ?

"Lausnin er ekki fólgin í því að setja eignarskatt á eldriborgara." Þorgerður eldriborgarar eru ekki kjánar ef þú heldur það. Eldriborgarar vita vel hvernig sjálfstæðisflokkurinn hefur níðst á þeim og öryrkjum undan farin ár. Og þeir vita líka að sjálfstæðiflokkurinn ber ábyrgð á því að sparnaður þessa fólks er horfinn. Hann hvarf í kúlulánin.

"Um leið og umræðan fari að snúast um hugmyndafræði og stefnumál muni flokkurinn rétta sinn hlut."...... "Hætta að einblína á uppgjör við fortíðina."Þorgerður er ekki í lagi með þig ? Þjóðin gleymir ekki einn tveir og þrír hvað sjálfstæðisflokkurinn hefur gert undanfarin ár. Þú talar um hugmyndafræði og stefnumál, er flokkurinn komin með nýja hugmyndafræði ? Þið farið kannski í ný föt en röddin verður alltaf sú sama, eða átti ég kannski að segja siðleysið ?

Svo fór Bjarni á kostum.

Hann segir í viðtali að það hafi ekki verið kjörnir fulltrúar flokksins sem óskuðu eftir styrkjunum heldur hafi það verið óbreyttir flokksmenn. Guðlaugur sem sennilega kallast kjörinn fulltrúi segist hafa hvatt hina óbreyttu til að óska eftir styrkjum. Og var Geir ekki kjörinn ? Hann segist jú hafa tekið við aurunum. Þannig að við eigum þá að túlka það svo að kjörinn vildi ekki en óbreyttur vildi. Er furða þó maður sé farinn að hlægja af þessum trúðum ?

Smá upprifjun.

Hvernig var það aftur þegar Bónus varð skyndilega versti og mesti óvinur foringjans í Svörtuloftum ? Sagði Jóhannes ekki í einhverju viðtali að hann hefði neitað að styrkja Sjálfstæðisflokkinn um einhverjar miljónir umfram aðra stjórnmálaflokka sem Bónus styrkti ? Foringinn í Svörtuloftum varð æfur og sagði að verslunarmennirnir í Bónus hafi ætlað að múta sér með 30 miljónum. Ummmm skrýtið sama upphæð og Hannes réttir flokknum. Skemmtileg tilviljun.

En svo elskaði Geir flokkinn

að hann gaf æru sína

svo flokkurinn öðlaðist eilíft líf.

„Hvítþvegin bleyjubörn“

X-D

Traust efnahagsstjórn undirstaða velfarnaðar.

Þetta er eitt af því sem við erum nokkuð örugg með ef við kjósum Sjálfstæðisflokkinn. Þetta var aðal slagorð spjallanna fyrir síðustu kosningar,,, já og hvernig gekk ? Jú ekkert smá vel í þeirra augum.

Sjálfstæðisflokkurinn gerir vel við sína.

Vinir og velunnarar Sjálfstæðisflokksins eiga sjóinn og allt sem í honum er. Ekki nóg með það flokkurinn á dómstólana líka og það er ekkert smá.

Sjálfstæðisflokkurinn er góður við alla sem minna mega sín. Alveg sérstaklega gamalmenni, öryrkja, barnafólk og ég tala nú ekki um verkalýðinn. Og í því ljósi mun sjálfstæðisflokkurinn halda áfram að auka skattbyrgði á lágar og millitekjur. Eins mun flokkurinn gera allt sem hann getur til að skerða bætur öryrkja og ellilaun, eins er flokknum mikið í mun að hækka lyf til muna, eins þarf að rukka mun meira fyrir læknisþjónustu en áður hefur verið gert.

Flokkurinn mun koma lögfræðingum til aðstoðar og gera þeim kleift að ráðast með hörku á óbreyttan almúgann í innheimtu aðgerðum. En bara almúgann.

Ef flokkurinn kemst aftur til valda er mjög mikilvægt að hann fari með fjármálin. Enda hefur enginn flokkur verið með eins opið, heiðarlegt og fullkomið heimilisbókhald og Sjálfstæðisflokkurinn hefur haft til langs tíma.FL hvað.

Sjálfstæðismenn halda því fram að allir séu jafnir nema sumir eru jafnari en aðrir.

Kjósum Sjálfstæðisflokkinn og höldum þannig við stöðugu SIÐLEYSI, SPILLINGU og VALDHROKA. Jú hvað er betra en stöðuleikinn ?

Ekki benda á mig.

 Þessi yfirlýsing Guðlaugs er ansi skondin eiginlega bráðfyndin.

Guðlaugur segist ekkert vita, en segist samt hafa hvatt nokkra aðila til að ganga í verkið. Heldur Guðlaugur virkilega að hann komist svona auðveldlega frá drullunni ?

Hvað er eiginlega að í þessum blessaða flokki engin þykist vita neitt um fjármál flokksins, maður spyr sig er kannski ekkert bókhald ? Jú auðvitað er bókhald þar. Og það vita allir að framkvæmdastjóri, Fjármálastjórn flokksins, Formaður og varaformaðurinn vissu vel um þessa styrki, að halda öðru fram er hauga lygi.

Siðblindan er og hefur verið svakaleg í þessum stjórnmálaflokki, og sennilega á hún sér enga hliðstæðu í hinum stóra heimi. Og alveg er stórmerkilegt að fólk skuli vilja þetta lið áfram á þing. Þessir stjórnmálamenn hafa verið að þiggja nammi hjá stórfyrirtækjum og hvað fá fyrirtækin í staðin. Fór ekki Þorgerður Katrín í lúxus veiðiferð í boði Kaupþings í Norðurá í Júlí 2007 ? Og svo vita nú allir um stóra kúlulánið sem spillingar frúin fékk frá sömu aðilum. Hvaða heiðarlegur þingmaður í siðmenntuðu landi þiggur slíkt ?

Jú rifjum þetta aðeins upp.

Vísir, 20. ágú. 2008 11:32
Stórlaxar veiddu í boði Baugs við upphaf REI máls

Skömmu áður en vinna við fyrirhugaðan samruna Reykjavík Energy Invest (REI) og Geysi Green Energy (GGE) hófst fóru helstu áhrifamenn Orkuveitu Reykjavíkur ásamt Guðlaugi Þór Þórðarsyni heilbrigðisráðherra í laxveiði í boði Baugs.
Veiðiferðin var farin 11 - 14 ágúst í fyrra, einum og hálfum mánuði áður en fundargerðir Orkuveitunnar sýna fyrst hugmyndir um sameiningu REI og GGE.
Í ferðina fóru Guðlaugur Þór Þórðarson heilbrigðisráðherra og fyrrverandi sjónarformaður OR, Vilhjálmur Þ. Vilhjálmsson, þáverandi borgarstjóri, Haukur Leósson, þáverandi stjórnarformaður OR og Björn Ingi Hrafnsson, þáverandi varfaraformaður stjórnar OR og REI. Lárus Welding, forstjóra Glitnis var boðið í ferðina en hann boðaði forföll.
Fyrir hönd Baugs var Stefán H. Hilmarsson fjármálastjóri með í för. Baugur var á þessum tíma þriðji stærsti hluthafi FL Group, aðaleiganda GGE.
Rúmum mánuði eftir að veiðiferðinni lauk sjást fyrst merki í fundargerðum um hugmyndir um að sameina REI og GGE. Sú sameining varð hinsvegar aldrei að veruleika enda klofnaði borgarstjórnarflokkur sjálfstæðismanna í málinu með þeim afleiðingum að fyrsti borgarstjórnarmeirihluti kjörtímabilsins sprakk.
Hin umrædda veiðiferð var farin í Miðfjarðará. Baugur tók frá tíu veiðileyfi í ánni og útvegaði mannskapnum sjö leiðsögumenn. Veiðileyfi í Miðfjarðará eru ein þau dýrustu á landinu.
Eiginkonum Guðlaugs Þórs, Vilhjálms Þ. og Björns Inga var einnig boðið í ferðina og þáðu þær það boð. Ágústa Johnson, eiginkona Guðlaugs, veiddi til að mynda sinn fyrsta lax á flugu í ferðinni.

Þetta er alveg magnaður andskoti.

Guðlaugur Þór og Þorgerður Katrín eru eru sennilega sóðalegustu spillingardæmin í sjálfstæðisflokknum. Og það er með ólíkindum hvað siðblindan nær tökum á hinum almenna flokksmanni því þessir berserkir eru enn í efstu sætum til þings. En Þorgerður tekur þetta bara með 7 hægri og málið er dautt.

En eins og Álftarnestrúðurinn sagði hér um árið "YOU AIN´T SEEN NOTHING YET" Ég er hræddur um að það sé rétt og margt eigi enn eftir að koma upp úr drullupollinum.

 

 

Guðlaugur Þór: Ég óskaði ekki eftir styrk

Flottir saman vinirnir.

 

Þannig var að Davíð Oddson var á gangi í miðbænum og hitti þar á förnum vegi Lalla Johns og tóku þeir tal saman eins og þeir eru vanir.

 

Áður en þeir kveðjast þá spyr Lalli Davíð hvort hann geti séð af 5oo krónum svona upp á kunningsskapinn og segir Davíð það ekki málið og fer í vasa sinn og dregur upp 5000 kr og réttir Lalla.

 

Lalli varð hugsi stutta stund og segir svo, Davíð minn ekki skal mig undra þótt allt sé eins og það er í dag ef þú gerir ekki greinarmun á 500 kr og 5000 kr.

Álfur út úr hól.

Foringinn.

Davíð Oddsson er ræðusnillingur svo mikið er víst og það verður ekki af honum tekið. Hann flutti alveg magnaða ræðu á landsfundi Sjálfstæðismanna um síðustu helgi, sú ræða á eftir að verða klassík er fram líða stundir. Hann sagði meðal annars að Jóhanna Sigurðar væri eins og álfur út úr hól, og líkti sjálfum sér við sjálfan Jesú Krist.

Kveðskapur frægasta flakkara Íslandsögunar meistara Sölva Helgasonar á vel við eftir ræðu Davíðs.

Ég er gull og gersemi,

gimsteinn elskuríkur,

ég er djásn og dýrmæti,

Drottni sjálfum líkur.

Enn svona í alvöru, hver er eins og álfur út úr hól ?

Á fáránleikinn sér engin takmörk ?

Hvenær drepur maður mann og hvenær drepur maður ekki mann. Sagði Jón Hreggviðsson, þessi orð sögupersónunnar eiga svo sannarlega vel við núna.

Nú virðis sem FME hafi loksins fundið sökudólga og nú skal koma hyskinu á bak við lás og slá sem allra fyrst.

Glæpamennirnir eru blaðamenn Morgunblaðsins þau Agnes Bragadóttir og Þorbjörn Þórðarson. Glæpirnir eru þeir að Agnes sagði þjóðinni SANNLEIKANN um spillinguna í grein sem hún skrifaði þann 23 nóv 2008. Greinin " Sjónarspil og sýndarleikir Glitnis og FL" fjallaði um félagið Stím. Glæpur Þorbjörns var grein sem var birt þann 7 mars síðastliðinn og nefnist "500 miljarðar til eiganda". Glæpurinn hjá þessum ágætu blaðamönnum er sá að koma sannleiks upplýsingum til þjóðarinnar um þá brjálæðislegu spillingu sem hér hefur átt sér stað.

Hver braut leynd og hver braut ekki leynd ?

Ég vil meina að glæpurinn er hjá Bönkunum og FME þessir aðilar brutu bankaleyndina. Hvernig þá ? Jú þeir leyndu almenningi, stjórnvöldum, innlendum og erlendum stofnunum um efnahagslegan styrk bankanna og ég tala nú ekki um siðferðið sem þar tíðkaðist. Þessar bankaleyndir hafa verndað auðhringa, spillta stjórnmála og embættismenn sem hafa rænt og svikið sína eigin þjóð og einnig nágranna þjóðir okkar.

Á fáránleikinn sér engin takmörk ?

Í staðinn fyrir að hrósa þessum blaðamönnum fyrir upplýsa þjóðina um skítinn, þá finnst FME best að senda þessa hugrökku blaðamenn austur fyrir fjall að búa til númeraplötur í nokkur ár á Hrauninu.

Þessir hugrökku blaðamenn eru í vinnu við að upplýsa okkur um hvað sé að gerast í þjóðfélaginu okkar og heiminum öllum. Og það er undarlegt samfélag sem sendir fólk í steininn fyrir að upplýsa um stórglæpi sem eru framdir í samfélaginu. Við verðum öll sem einn að standa vörð um réttlætið og passa upp á að sendiboðinn verði ekki hengdur eins og á að gera í þessu tilfelli. Hengjum frekar þann sem fremur glæpinn.

Það verður fróðlegt að sjá þessa svo kölluðu Hvítbók. 

 

Brutu þau bankaleynd?