Jens Sigurjónsson

26.6.2007 | 01:19

Líkflutningar.

bill_a_vegi

Ég skil ekki þennan æsi fréttaflutning stöðvar 2 um að lík séu send með flutningabílum milli landshluta. Hefur þetta ekki verið svona í mörg mörg ár ? Hvað er að því þó kista sé sett inn í kæli ? Hvað er málið ? Kannski mætti hafa sér hólf í þessum kæligeymslum undir kisturnar. En að heilbrigðiseftirlitið sé kallað til er fyndið, ætli hinir látnu mengi svo mikið matvælin að hætta stafi að ? Nei ég held ekki. Landflutningar - Samskip eru að sinna góðu verki að koma hinum látnu til átthaga sinna þar sem þeir ætla að leggjast til hinnar hinstu hvílu. Og sinnir flutningafyrirtækið því verki örugglega af mikilli virðingu við farþegana.

	Samskip segjast fylgja nákvæmlega reglum um líkflutninga
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

vó, maður hefur bara aldrei hugsað út í þetta, ja hérna, ég hugsaði bara flug ef það þyrfti að flytja fólk á milli, það kom engin önnur leið til greina í mínum huga.

Linda, 26.6.2007 kl. 01:48

Við tökum í hendurnar á lifandi fólki sem við vitum ekki hvað gerði með
þeim rétt áður - eða hversu oft það þvær sér! En þegar fólk verður lík er
það óhreint? Mér klígjar ekki við líkum og leyfi mér að fullyrða að það
að borða hrátt kjöt úr kæli sem var geymt við hliðina á líki sé heilnæmara
en fulleldaður matur úr mörgu eldhúsinu

Ég setti þetta inn á annað blogg fyrr í kvöld, samt sá ekki ekki æsifréttina sem kom öllu af stað.

Ég held að okkur öll vanti ömmu, amma er miklu betri einkamálaupplýsandi í íslandsþorpinu en DV. Amma gaf sína skoðun á málinu sem dró yfirleitt úr mikilvægi sögunnar og kom þar að auki með athugasemd sem hljómaði þýtt: OG HVAÐ SEGIR ÞAÐ ÞÉR ELSKAN MÍN?

Kristbjörg (IP-tala skráð) 26.6.2007 kl. 02:05

Já en Jens, þessir bílar eru notaðir til matarflutninga, og í fréttinni stendur:

"að lík væru geymd í matarkælum flutningafyrirtækisins á meðan beðið sé flutninga."

Þess vegna fór heilbrigðiseftirlitið í málið, þeir verða að gæta þess að ekkert fari úrskeiðis því það eru strangar reglugerðir til um flutninga matvæla. Það er þess vegna sem þeir eru að gera mál úr þessu, en ég segi eins og Kristbjörg, við eigum ekki að vera með þennan tepruskap!

Það má eiginlega segja að þú hafir fundið sannan "kjötbíl" með þessu !

Guðsteinn Haukur Barkarson, 26.6.2007 kl. 16:31

Ég segi eins og Linda, mér hefur aldrei verið hugsað til landflutninga á líkum! Annars finnst mér þetta ekki til að gera veður útaf, svo lengi sem hinir látnu eru í kistum

Rúna Guðfinnsdóttir, 26.6.2007 kl. 17:55

Sæll Guðsteinn. Auðvitað væri nú skemmtilegra að gera smá hólf í þessum kælum fyrir kisturnar. En ég held að engum verði meint af því þó lík verði samferða grænmetinu eða öðrum matvælum smá spotta.

Kjötbíll.