Verðmæti sjávarafurða dregst saman í austur Kanada.

 

 Verðmæti sjávarafurða á Nýfundnalandi og Labrador í austur Kanada hafa dregist verulega saman á síðasta ári. En Nýfundnaland og Labrador eru eimmitt þau svæði sem harðast urðu úti er þorskstofninn hrundi við Kanada árið 1990. 

 Útflutnings verðmæti á síðasta ári nam 617 miljónum evra eða um 105 miljarðar ISK. Þetta er lækkun um 22% frá árinu áður.

Efnahagslægðin í heiminum og svo styrking Kanadadollars gagnvart Bandaríkjadal eru taldar megin ástæður fyrir samdrættinum. Einnig lækkaði verð á lykiltegundum eins og rækju, humar og snjókrabba. En þrátt fyrir að staða Kanadadollars væri mjög sterk voru mjög litlar birgðir í landinu af krabba og rækju í upphafi ársins.

En góðu fréttirnar eru þær að fiskeldi í Kanada stendur mjög vel, og eru mjög bjart útlit með þann bransa á komandi árum.

Athugasemdir

[Rósa Aðalsteinsdóttir, 11.5.2010 kl. 22:15]

Sæll og blessaður

Alltaf slæmt að heyra ef gengur illa að fiska eða selja afurðir. Hef séð neðansjávarmyndir frá ströndum Kanada og þar var allt dautt. Það var hræðilegt. Við þurfum aðfara vel með auðlindir okkar.

Gaman að heyra um fiskeldið.

Guð veri með þér og gefi þér styrk og kraft.

Kær kveðja/Rósa

[Jens Sigurjónsson, 11.5.2010 kl. 22:56]

Sæl Rósa mín.

Þetta kemur allt saman , nú er orðið mikið af þorski hér á miðunum svo þetta er allt uppá við.

Já satt er það mín kæra að við verðum að fara vel með auðlindirnar okkar.

Guð blessi þig og þína ævinlega Rósa mín.

Bestu kveðjur / Jenni

[Rósa Aðalsteinsdóttir, 12.5.2010 kl. 22:17]

Gott að heyra að ástandið er að lagast. Þetta var hræðilegt að sjá þessar neðansjávarmyndir. Snilld að það sé hægt. Ekki gat maður ímyndað sér það í denn frekar en margt annað.