Vísa í anda kreppunnar.

Þótt veraldargengið sé valt

 

og úti andskoti kalt

 

með góðri kerlingu

 

í réttri stellingu

 

bjargast yfirleitt allt.

 

Höfundur ókunnur.

Þórhallur ætti að hafa vit á því að þegja.

 

Vitgrannir forustumenn framsóknar.

 

Þeir fóru alveg á kostum vitleysingarnir þeir Höskuldur og Sigmundur.

Vitleysingar ?  Já þeir sönnuðu svo um munar í gær að vitleysingar eru þeir að sönnu. Þeir urðu bæði sér og þjóðinni til stór skammar.

Sjá og heyra bullið í Sigmundi í sjónvarpi og útvarpinu í gær, ég hef sennilega aldrei fengið eins mikinn kjánahroll og í gær er ég hlustaði á hann bulla og bulla, og það sem versta var hann trúði sjálfum sér.

 

Hélt Sigmundur Davíð virkilega að Norska Senterpartiet sem er smáflokkur með um 6 % þingmanna gæti bara reddað 100 miljörðum NKR sí svona handa okkur ?

 

Veit Sigmundur að 100 miljarðar Norskar krónur eru 2145 miljarðar Íslenskar Krónur ?

Og að það jafngildir rúmum 16 miljörðum bandaríkjadölum ?

Veit Sigmundur að AGS prógrammið með norðurlöndunum hljóðar upp á 5,2 miljarða bandaríkjadollara ?

 

Hélt þessi vitleysingur að Jens Stoltenberg Forsætisráðherra og ríkistjórn hans hefðu ekkert með málið að gera ?

 

Sigmundur hugsaðu þig tvisvar um áður en þú veður í sjónvarpið og hrópar ásakanir hægri vinstri á allt og alla.

Ég á aðeins eitt gott ráð handa þér og það er hafðu vit á því að halda þér saman.

 

Talandi um hægri vinstri.

Það var annað sem var alveg sorglegt að horfa upp á í sjónvarpinu í gær það var KÚLUDROTTNINGIN Þorgerður Katrín.

Sjá þennan ómerking koma fram fyrir alþjóð og gjamma um að stjórnin geti ekki þetta eða hitt.

Þorgerður segðu frekar þjóðinni hve miklu þú náðir í arð af kúluláninu ykkar hjóna ?

Duttu 50 millur inn á heftið svona þegjandi og hljóðalaust ?

Upplýstu okkur frekar um þetta, en að vera gjamma einhverja vitleysu því engin tekur mark á þér lengur.

 

 

 

Líst illa á fjárlögin

Steingrímur fetar í fótspor Caligula.

Fyrir um 2000 árum síðan var keisari í Róm er kallaðist Caligula, hann var meðal annars þekktur fyrir það að hafa gert hrossið sitt að ráðherra.

Mér finnst lítið hafa breyst á 2000 árum ef við berum saman stjórnarhætti Caligula og Steingríms.

Steingrímur gerir Álfheiði að ráðherra og Caligula hrossið sitt, þetta er sami gjörningurinn.

 

Álfheiður verður ráðherra

Sigmundur ómerkilegur flautaþyrill.

Siðlaus flautaþyril.

 

Einhvern veginn tek ég orðið afskaplega lítið mark á þessum manni þegar hann reynir að tjá sig á vetfangi stjórnmálanna. Það er ekki nóg með að þessi flautaþyrill veltist um palla hins há alþingis blind fullur, þegar hann á að vera að sinna vinnunni sinni sem honum var treyst fyrir. Nú hefur hann tekið upp á því að mergsjúga ríkisspenann.

Sigmundur flautaþyrill hefur flutt lögheimilið sitt til systur sinnar á Akureyri.

Sigmundur flautaþyrill býr í Grafarvogi í Reykjavík með fjölskyldu sinni og hann hefur haft lögheimili í Reykjavík í mörg ár. En nú á að mjólka kúnna. Í reglum um þingfarakaup kemur fram að komi þingmaður utan af landi á hann rétt á 90,700 kr á mánuði aukalega í húsnæðis og dvalarkostnað. Og ef þingmaðurinn haldi tvö heimili, eitt á landsbyggðinni og annað í Reykjavík eigi hann rétt á allt að 40% álagi til viðbótar, þannig að aukagreiðslan gæti orðið 126,900 kr á mánuði.

Sigmundur flautaþyrill ætlar sér að borga útsvarið til Akureyrar en þyggja alla þjónustu af Reykjavíkurborg. 

 

Úr lögum nr. 21/1990 um lögheimili.

1. gr. Lögheimili manns er sá staður þar sem hann hefur fasta búsetu.
Maður telst hafa fasta búsetu á þeim stað þar sem hann hefur bækistöð sína, dvelst að jafnaði í tómstundum sínum, hefur heimilismuni sína og svefnstaður hans er þegar hann er ekki fjarverandi um stundarsakir vegna orlofs, vinnuferða, veikinda eða annarra hliðstæðra atvika.
Dvöl í gistihúsi, fangelsi, vinnuhæli, sjúkrahúsi, athvarfi, heimavistarskóla, verbúð, vinnubúðum eða öðru húsnæði, sem jafna má til þessa, er ekki ígildi fastrar búsetu.

4. gr. ...........
Alþingismanni er heimilt að eiga áfram lögheimili í því sveitarfélagi þar sem hann hafði fasta búsetu áður en hann varð þingmaður. Sama gildir um ráðherra.

 

Það sjá allir sem vilja hverslags siðferðiskennd býr í brjóstinu hjá þessum nýja þingmanni.

 

 

 

Stendur og fellur með VG

Hér fá stórglæpamenn að ganga lausir.

Þetta er alveg ótrúlegt hvernig þessir fjárglæpamenn hafa geta vaðið endalaust áfram í sínum myrkraverkum.

Alveg magnaðir samningar samt ha ha ha ha Kúlulán og borga bara eftir minni eða bara ekki neitt.

Hvernig er með þetta batterí sem kallast Sérstakur Saksóknari ? Eru menn alveg grunlausir þar á bæ ? Hvað þarf eiginlega mikið að koma upp á yfirborðið svo menn fari nú að gera eitthvað ?............ Nú er aðallega verið að eyða tíma og peningum í að kanna hver skvetti málningu á húsin þeirra......

Það þarf að koma járnum á þessa glæpamenn og það strax.

 

 

 

 

Bræðurnir seldu sjálfum sér Lyf og heilsu

Allt annað að sjá Moggann.

ÁTVR á matvörumarkaðinn.

Sala á matvöru í vínbúðum.

 

 

Mjög miklar líkur eru taldar á því fljótlega að Vínbúðir ÁTVR taki upp sölu á ýmsum nauðsýnarvörum þar á meðal matvöru.

 

Stjórn ÁTVR hefur haft mikinn áhuga á þessu til langs tíma og segir að nú sé rétti tíminn til að breyta rekstri Vínbúðanna, en talsverð breyting verður á búðunum við þessar breytingar.

Forstjóri ÁTVR segir að nú sé mikið framboð á hentugu húsnæði á góðum kjörum, jú við þurfum að stækka verslanir okkar til mikilla muna sagði hann. Forstjórinn sagði að engar lagabreytingar þyrftu til, því ekkert er í lögunum sem bannar sölu matvara í vínbúðum. Forstjórinn sagði að það yrði farið á fullum þunga í samkeppni við Bónus og fleiri lágvöruverslanir á matvörumarkaðnum.

 

Svo kannski heyrum við í auglýsingum á næstunni  "kaupið tvö lambalæri og fáið fría rauðvínflösku með".

 "Kippa af Tuborg og frír poki af salthnetum með".

Titringur í Kauphöllinni.

Mikill órói í Kauphöllinni.

 

Karlmaður á fimmtugsaldri keypti í morgun hlutabréf að andvirði 120.000 kr. Hlutabréfin greiddi maðurinn með reiðufé.

Starfsmönnum Kauphallarinnar var mjög brugðið, og skapaðist mikil ringulreið í Kauphöllinni.

Ekki fæst uppgefið í hvaða félögum maðurinn keypti.

Greiningardeildir bankanna heldu sameiginlegan fund strax eftir viðskiptin, því þessi þessi hegðun mannsins gengur þvert á allar spár.

 

 

Er Jói heill ?

Samspillingar liðið komið með kvíðakast.

 

Jóhannes Jónsson oft kenndur við Bónus, var í hressilegu viðtali við DV núna um helgina. Jóhannes telur sig geta sjúkdómsgreint fólk, og það kemur berlega fram í þessu viðtali hvað hann hefur mikla andúð á sjúku fólki.

 "Það er veruleikafirring að gera óheilbrigðan mann að ritstjóra Morgunblaðsins"

Jóhannes telur Davíð vera sjúkan og hann vill ekki sjá veikt fólk á vinnumarkaði.

 

Hver er veikur og hver ekki ?

 

Jóhannes ætti að hafa vit á því að halda kjafti og skammast sín, ef einhverir eru óheilbrigður í þessu þjóðfélagi þá eru það feðgarnir í Bónus.

Jói og sonur eru búnir að spyrða nokkrum milljónum í skuld á hvern Íslending, já og finnst það bara í lagi. Þessir aumingjar hafa vaðið yfir allt og alla á skítugum skónum í mörg ár og sjá ekkert athugavert við það.

 

Eftir að Davíð neitaði að taka við 300 millunum sem Baugarnir reyndu að koma á hann, hefur Jói verið í skítkasti við Davíð.

 

Jói er seigur að nota DV ef hann þarf að skvetta skít á einhvern, jú hæg eru heimatökin.

Hver man ekki eftir heilsíðu auglýsingunum í DV þar sem Jói hvatti Sjálfstæðismenn að strika yfir nafn Björns Bjarnarsona. Þar notaði Jói setningu eins og "út með siðspillinguna".

 

Jói kann ekki að skammast sín enda maðurinn mengaður af óheiðarleika.

 

 

 

 

 

 

Djöfsi kátur.

Allt að fara til fjandans.

 

Lúsífer Kölski, (eða betur þekktur sem Djöfullinn sjálfur,) segist vera tilbúinn fyrir það mikla álag sem mun vera í Helvíti á næstu misserum.

Samkvæmt nýjustu spám er allt að fara til hans þessa dagana.

 

Djöfsi segir að þetta muni verða déskoti mikil uppgrip og að hann reikni með að það verði bara helvíti gaman að fá loksins nóg að gera.

 

 það hefur verið helvíti lítið að gera hjá mér undanfarið sagði Djöfsi, maður hefur verið að stytta sér stundir með því að horfa á gamla Dallas þætti, jú svo hef ég verið aðeins með puttana í gjaldeyrisviðskiptum á milli þess sem ég hef verið að hitta ömmu mína sagði Skrattinn og hló djöfullega, Jú svo má nú ekki gleyma því að útrásarvíkingarnir ykkar hafa verið iðnir við að skemmta mér undanfarin ár. (eins og allir vita hafa útrásarvíkingarnir skemmt Skrattanum duglega undan farin ár.)

Jæja nú er best að fara og kynda kofann hressilega upp sagði Djöfsi og hvarf á braut.

 

 

Ég er enn að bulla.