Hann er á sömu leið og ríkisstjórnin.

Ef hann heldur áfram lendir hann í skítnum og það gera stjórnvöld líka ef þau halda sömu stefnu

Geir og Haardærið.

Ósköp finnst mér nú þetta vera þunnur þrettándi hjá Geir

En gott og vel hann er loksins farinn að tjá sig um hvað sé verið að gera, en það er nokkuð seint í rassinn gripið nú þegar hann er búinn að espa reiðina upp í þjóðinni með því að upplýsa hana ekki um gang mála.

En mér finnst staða Geirs vera orðin vonlaus í dag.

Hefði Geir gert nokkra hluti strax væri staða hans skárri í dag, og þjóðin væri rólegri.

1. Forstjóra og stjórn Fjármálaeftirlitsins vikið frá störfum

2. Skipt um bankaráð Seðlabankans.

3. Boðað til kosninga í vor eða haust.

4. Lýsa yfir að samhliða kosningum verði kosið um hvort skuli hefja aðildarviðræður við ESB.

5. Setja á stað ferli og skipta um gjaldmiðil.

6. Fá erlenda fag aðila til að rannsaka þá glæpi og spillingu sem urðu til þess að bankarnir hrundu.

 

Margvíslegar aðgerðir stjórnvalda

Nú hitnar loksins í kolunum.

Þetta er það sem stjórnvöld vilja.

Þá er loksins farið að hitna í kolunum enda ekki nema von. Það hefur ekkert verið gert að hálfu stjórnvalda eftir bankahrunið.

Sjálfstæðisflokkurinn er varðhundur spillingar og einræðis og auðvitað vill hann ekki fara frá, en hvað er Samfylkingin að hugsa eru menn þar á bæ gjörsamlega að tapa áttum ?

Samfylkingarfólk vaknið og sjáið hvert Sjálfstæðisflokkurinn er að leiða ykkur.

Vonandi hættir lögreglan að hlusta á spillingarpakkið og hætti að beita borgarana ofbeldi því ef lögreglan ætlar sér að vera í liði VARÐHUNDA SPILLINGAR þá fer illa að lokum. Því þá verða blóðug átök sem ekki er gott.

En ef það er eina leiðin að koma ríkisstjórninni frá með hörðu verður svo að vera. En eitt er víst að ríkisstjórnin verður að fara og það strax.

Endurheimtum lýðræðið sem við höfum misst og komum þessum spillingarliði í burtu.

 

 

 

 

 

 

 

 

 

 

Enn fjölgar á Austurvelli

Slegið á puttana á Óla.

 

Það var slegið hressilega á puttana á Ólafi sýslumanni í dag , enda veitti ekki af. Enda virðist sem maðurinn sé haldin ofsahroka.

Þessi kálfur ætlaði að láta handtaka 370 skuldara í sínu umdæmi á næstu dögum og færa þá í fjárnám, Honum þótti það ansi smart í ljósi aðstæðna sem núna eru á landinu.

En sem betur fer sló Dómsmálaráðherra á puttana á Óla Hroka, þannig að ekkert verður af því að Óli Hroki ráðist á skuldarana.

Þetta mál var rætt í ríkisstjórninni í dag, og sagði Jóhanna Félagsmálaráðherra meðal annars að aðgerðir sýslumannsins forkastanlegar, og Björn Dómsmálaráðherra sagði að það hafi verið afar óskynsamlegt að ganga fram með þessum hætti.

En sem betur fer var Hroki Kjartansson stoppaður af í tæka tíð.

Auðvitað á að segja þessum töffara upp störfum tafarlaust, það á ekki að lýða það að sýslumaður komi fram í fjölmiðlum með þeim hætti sem hann gerði.

Að koma fram og hóta mörg hundruð manns handtöku vegna skulda er ekki það gáfulegasta í augnablikinu í ljósi aðstæðna, þetta hátterni er til þess eins að skvetta olíu á eldinn.  

      Augljóslega sýnir þetta hátterni hið rétta innræti sýslumannsins og gáfnafar.

 

Spillingin varin með piparúða.

 

Ég held að nú sé mælirinn fullur.

Lögreglan er ítrekað farin að beita ofbeldi gegn vopnlausum almenningi .

Ég er ekki hlynntur ofeldi, en maður spyr sig, verður ekki bara að svara ofbeldi með ofbeldi. Það virðist vera það eina sem lögreglan skilur. Ekki skilur hún friðsöm mótmæli svo mikið er víst.

Ef lögreglan ætlar að haga sér svona þá mun almenningur líta á hana sem varðhunda spillingar hér á landi, og hætta að bera virðingu fyrir henni. Og þá yrði fjandinn laus.

En það er margsannað að friðsöm mótmæli hafa aldrei borið árangur.

Er ekki komin tími að stjórnin fari nú að gera sér grein fyrir því að það er komin tími til að efna til kosninga, þá kannski fyrst róast almenningur þessa lands, því það er nokkuð augljóst að fólk vill breytingar sem fyrst.

 

Piparúði og handtökur

Nú er Ólafur í stuði.

 

Jæja nú verður höfðinginn hjá embætti sýslumannsins í Árnessýslu í essinu sínu þegar hann fer að eltast við þessa 370 einstaklinga sem á að draga í fjárnám í vikunni.

Ekki vantar dugnaðinn hjá yfirvöldum þegar kemur að því að ráðast á hinn almenna borgara sem á í vandræðum með fjármálin sín.

En að taka fjárglæframennina sem komu þjóðinni í þessi vandræði fasta og láta þá svara til saka.

Nei nei það má ekki.

 Yfirvöld eiga að hafa vit á því að skammast sín fyrir að senda út handtökuskipanir á fleiri hundruð manns fyrir það að vera í vandræðum með greiðslu reikninga sinna eftir hrunið.

Væri ekki nær fyrir þessa grasasna að fara að kanna málin og átta sig á því hversvegna allt þetta fólk er í greiðsluvandræðum. Og fara svo að eltast við hinu einu og sönnu skuldara.

 

Hátt í 400 handtökuskipanir

Allt eðlilegt.

 

Allt eðlilegt í þessum viðskiptum segja höfðingjarnir.

Skoðum þetta aðeins nánar.

Á þessum tíma er Ólafur annar stærsti hluthafi Kaupþings.

Ólafur kaupir bréf í Kaupþingi að andvirði 25 miljarðar af erlendum aðila, en hann er svo heppinn að hann fær bréfin á 50% undirverði og borgar þannig bara 12,5 miljarða.

En hann selur skömmu seinna Kaupþingi sömu bréfin á réttu verði eða fyrir 25 miljarða. Semsagt Kaupþing borgar fullt verð. Ólafur græðir 12,5 miljarða sí svona. Heppinn.

Hver var þessi erlendi aðili sem seldi Ólafi bréfin á 50% undirverði ?

Hvers vegna Kaupir ekki kaupþing þessi bréf af þessum svo kallaða erlenda aðila strax þannig að allir hagnast á viðskiptunum ?

Nei Ólafur fær 12.5 miljarða á silfurfati og allt er eðlilegt.

Mér er spurn eru þetta eðlilegir viðskiptahættir ?

 

 

Ólafur segir engan hagnað hafa runnið til sín

Er ekki komið nóg ?

Nú heyrast þær raddir að Straumur Burðarás stundi vafasöm

gjaldeyrisviðskipti, sem síðan veldur því að gjaldeyrir skilar sér

ekki til landsins eins og hann ætti að gera.

Og þá styrkist blessuð krónan okkar ekkert að sama skapi.

En hvað er í gangi hvar er Fjármálaeftirlitið ?

Er það steinsofandi eina ferðina enn ?

Vaknið og athugið hvort Straumur Burðarás er að brjóta lög um skilaskyldu

gjaldeyris, VAKNIÐ OG GERIÐ EITTHVAÐ Í MÁLINU STRAX.

 

Ekkert siðferði.

 

Það er alveg ótrúlegt ef satt reynist að þeir stundi enn vafasöm viðskipti,

Er siðferðið hjá þessum pappakössum ekkert ?

Þeir fengu Landsbankann á silfurfati og settu hann á hausinn á fáum árum

og skuldsettu landsmenn svo rosalega að fæstir ná sér upp úr því.

Þeir hafa sett gamla fólkið í mjög bága stöðu og börnin okkar eiga ekki

glæsilega framtíð á landinu, eða við skulum orða það þannig að þeir

lögðu í rúst efnahag og góð lífsgæði Íslendinga með brjálæðislegu atferli

sínu á fjármálamarkaðinum.

Finnst þessum apaköttum ekki nóg að hafa átt stórann þátt í því að setja

hér allt á annan endann ?

Eitt er víst að þeir skammast sín ekki mikið.

ÞAÐ ER KOMINN TÍMI TIL AÐ STOPPA ÞESSA NÁUNGA.

 

 

 

Nú á að gelda landhelgisgæsluna.

 

 

Ekki verður landhelgin okkar undir ströngu eftirliti á næstunni.

Og ekki verður öryggi sjófaranda sem og annarra landsmana

upp á marga fiska, þar sem nú á að gelda starfsemi gæslunnar.

Nú er staðan sú að það eru engir peningar til í rekstrinum.

Það á að segja upp allt að 30 starfsmönnum.

Og úthaldsdögum varðskipanna verður fækkað til muna og öllu

flugi verður haldið í lámarki.

Seint á síðasta ári tók landhelgisgæslan við forustuhlutverki North Atlantic Coast Guard Forum.

Að NACGF standa 20 strandríki Norður Atlantshafsins.

Hlutverk gæslunnar var að móta og stýra stefnu þessara samtaka, til dæmis hvað varðar

mengunareftirlit, veiðieftirlit og svo auðvitað björgunarstörf á hafinu.

En nú er forustu okkar í NACGF sennilega lokið vegna bágrar stöðu Landhelgisgæslunnar.

Þetta er að verða auma ástandið hjá okkur þegar við leggjum öryggi okkar að veði.

Hvað verður næst ?

Kristján út.

 

Jæja þeir tínast út smá saman stjórarnir í bönkunum.

Betra er seint en aldrei er oft sagt.

En ég verð að segja að það er til skammar hvað þessir höfðingjar

hafa fengið að sitja lengi í stólunum sínum í bönkunum.

 

En það er gott að Kristján hefur yfirgefið bankann, en það eru bara

svo miklu fleiri sem verða að fara.

Til að mynda verður að koma bankastjórum Glitnis og Landsbankans

þeim Birnu og Elínu út ekki seinna en strax.

Þegar allt þetta lið er komið út þá verður kannski hægt að mynda 

traust milli almennings og bankanna fyrr ekki.

 

Kristján hefur örugglega nóg að gera við að reyna að stjórna félagi

sínu og konu sinnar sem heitir 7 hægri ehf.

Gaman væri nú að vita um skuldirnar sem eiga að vera þar.

Eða eru kannski engar skuldir þar ? Hver veit.....................

Þið sáuð nú bjánaganginn í máli Birnu bankastjóra, svo ekkert er heilagt þegar kemur að skuldum

stjóranna.

 

Mikið væri það nú gott ef Þorgerður Katrín eiginkona Kristjáns færi nú að fordæmi eiginmannsins

og segði upp sinni vinnu líka.

Því það er komið fyrir henni eins og Kristjáni að hún er rúinn öllu trausti.