Sigmundur ómerkilegur flautaþyrill.

Siðlaus flautaþyril.

 

Einhvern veginn tek ég orðið afskaplega lítið mark á þessum manni þegar hann reynir að tjá sig á vetfangi stjórnmálanna. Það er ekki nóg með að þessi flautaþyrill veltist um palla hins há alþingis blind fullur, þegar hann á að vera að sinna vinnunni sinni sem honum var treyst fyrir. Nú hefur hann tekið upp á því að mergsjúga ríkisspenann.

Sigmundur flautaþyrill hefur flutt lögheimilið sitt til systur sinnar á Akureyri.

Sigmundur flautaþyrill býr í Grafarvogi í Reykjavík með fjölskyldu sinni og hann hefur haft lögheimili í Reykjavík í mörg ár. En nú á að mjólka kúnna. Í reglum um þingfarakaup kemur fram að komi þingmaður utan af landi á hann rétt á 90,700 kr á mánuði aukalega í húsnæðis og dvalarkostnað. Og ef þingmaðurinn haldi tvö heimili, eitt á landsbyggðinni og annað í Reykjavík eigi hann rétt á allt að 40% álagi til viðbótar, þannig að aukagreiðslan gæti orðið 126,900 kr á mánuði.

Sigmundur flautaþyrill ætlar sér að borga útsvarið til Akureyrar en þyggja alla þjónustu af Reykjavíkurborg. 

 

Úr lögum nr. 21/1990 um lögheimili.

1. gr. Lögheimili manns er sá staður þar sem hann hefur fasta búsetu.
Maður telst hafa fasta búsetu á þeim stað þar sem hann hefur bækistöð sína, dvelst að jafnaði í tómstundum sínum, hefur heimilismuni sína og svefnstaður hans er þegar hann er ekki fjarverandi um stundarsakir vegna orlofs, vinnuferða, veikinda eða annarra hliðstæðra atvika.
Dvöl í gistihúsi, fangelsi, vinnuhæli, sjúkrahúsi, athvarfi, heimavistarskóla, verbúð, vinnubúðum eða öðru húsnæði, sem jafna má til þessa, er ekki ígildi fastrar búsetu.

4. gr. ...........
Alþingismanni er heimilt að eiga áfram lögheimili í því sveitarfélagi þar sem hann hafði fasta búsetu áður en hann varð þingmaður. Sama gildir um ráðherra.

 

Það sjá allir sem vilja hverslags siðferðiskennd býr í brjóstinu hjá þessum nýja þingmanni.

 

 

 

Stendur og fellur með VG

Athugasemdir

[Rósa Aðalsteinsdóttir, 30.9.2009 kl. 23:56]

Sæll Jenni minn

Sigmundur Ernir hefur heldur betur valdið vonbrigðum. Ég hef enga trú á að hann fari aftur á þing eftir næstu kosningar.

Búið að vera fjör hérna. Ási er búinn að vera hjá okkur í meira en mánuð og er hann að vinna uppi í kirkju. Hann braut upp gólf í vetur og var að skipta um lagnir og þá kom í ljós að það var svo mikið vatn undir plötunni. Búinn að grafa djúpann skurð fyrir ofan kirkjuna, búinn að brjóta skurð þvert í gegnum húsið og leggja rör og steypa plötuna í dag. Þetta er allt að hafast hjá honum en þvílíkt púl.

Skil ekki að facebook skuli virka eftir allar þessar kveðjur sem ég hef fengið

Guð veri með þér

Kær kveðja/Rósa

[Jón Valur Jensson, 30.9.2009 kl. 23:59]

Vel athugað allt þetta hjá þér, Jenni, þú kannt að vinna heimavinnuna, áður á málum er tekið. Kærar þakkir.

[Jens Sigurjónsson, 1.10.2009 kl. 01:39]

Sæl Rósa mín.

Já hann er búinn að valda mér miklum vonbrigðum hann Simmi, ég hélt að það væri töggur og gott siðferði þar á ferð, en svo er ekki.

Já hann er duglegur hann Ási og gerir hlutina vel svo mikið er víst, enda á hann nú ekki langt að sækja það, mikið dugnaðar fólk sem kennt er við Ás.

Já ég sá að þú fékkst mikið af afmæliskveðjum, þú átt greinilega mikið af góðum vinum.

Guð blessi þig og þína Rósa mín.

Bestu kveðjur / Jenni

[Jens Sigurjónsson, 1.10.2009 kl. 01:41]

Sæll Jón Valur, Þakka þér fyrir það.

Guð blessi þig.

KV / Jenni