Fuglalíf í Hornbjargi er að fjara út.

Hornbjarg.

Í Bændablaðinu sá ég grein um að fuglalíf í Hornbjargi væri á hröðu undanhaldi vegna ágangs refs.  Sagt er að um eitt hundrað þúsund fuglar hafi misst varpsvæði sín vegna þessa. Og að á tilteknum svæðum sé lundinn alveg horfinn, sömuleiðis hvítmáfurinn og fýlar séu bara á stangli. Í greininni er sagt frá eggjatöku í ferð á tiltekinn stað í bjarginu fyrir 30 árum síðan og fengust þá þúsund svartfuglsegg en á sama stað í vor aðeins 13 egg.

Þetta er gott dæmi þegar friða á algerlega eina tegund dýra, þá raskast lífríkið stórlega eins og er að gerast við Hornbjarg. Það er ekki nokkur spurning að afnema þessa friðun refsins og fækka honum allverulega strax svo ekki fjari út allt fuglalíf í Hornbjargi. Eins á að leggja mikla áherslu á að fækka minknum sem veður orðið um allt með miklu raski á lífríkið.

 

Athugasemdir

[Bjarni Kjartansson, 27.6.2007 kl. 09:07]

Þetta er nú mjög orðum aukið, að rebbi geri svona mikinn ursla í bjargfuglalífi.  Hitt ber að hafa í huga, að rebbi heldur gersamlega niðri öðrum vargi, svo sem mörðum.  Minkurinn á í baráttu við skolla og verður undir, þar sem yrðlingarnir koma fyrr úr greni en ungviði Marða.  Það gerir það að verkum, að rebbi notar bæli minksins til æfinga fyrir sína yrðlinga.

Ætli skýringin á hnignun varps þarna vestra, sé af sömu rót og í Vestmannaeyjum, Skagafirði, Hornbjargi og víðar um land, hvar æti vantar?

Menn ættu fremur að huga að lífríki sjóvar en Rebba , bændur geta svo fengið aura fyrir eitthvert annað dundur en að vinna greni.

Miðbæjaríhaldið

Fyrrum Vestfjarðaríhald

[Jens Sigurjónsson, 27.6.2007 kl. 09:23]

Við vitum að það hefur orðið mjög mikil fjölgun á refnum á Hornströndum. Svo þetta er langt frá því að vera orðum aukið.