Skipstjóraskóli fyrir stórskip.

Ég sá og heyrði í fréttunum í kvöld viðtal við Þorstein Már Baldvinsson forstjóra Samherja.

Hann kom með þá frábæru hugmynd að stofna skipstjóraskóla stórskipa og yrði skólinn

í samstarfi við Háskólann á Akureyri og og útgerða við Eyjafjörð.

Þetta er mjög góð og spennandi hugmynd í sjálfu sér, en hvað með Fjöltækniskólann ?

Ég undrast að Fjöltækniskólinn sýni þessu ekki meiri áhuga, því að ekki er að verða spennandi

fyrir unga menn að sækja stýrimannanám í dag ef menn ætla eingöngu að sigla hér við land.

Ekki er að verða um auðugann garð að gresja í fiskiskipaflotanum og ekki eru kaupskipin til

staðar.

Þannig að  hugmynd Þorsteins er mjög góð, og vonandi verður hún að veruleika sem allra fyrst.

Og Akureyri er með Sjávarútvegsháskólann og þá er skipstjóraskóli stórskipa vel settur á Akureyri.

 

 

 

Athugasemdir

[Guðrún Sæmundsdóttir, 5.5.2007 kl. 22:53]

Ég held að íslendingar séu búnir að gleyma tengingunni við sjóinn.  Auðvitað verður þjóðin að bjóða uppá bestu menntun í allri sjómennsku sem hægt er að fá.  Afkoma þjóðarinnar verður ekki til í bönkum.

[Jens Sigurjónsson, 5.5.2007 kl. 22:58]

Rétt er það Guðrún.

Og við verðum að viðhalda og auka þekkingu okkar í öllum fræðum sem tengjast hafinu. við erum jú eyland.