Nú á að gelda landhelgisgæsluna.

 

 

Ekki verður landhelgin okkar undir ströngu eftirliti á næstunni.

Og ekki verður öryggi sjófaranda sem og annarra landsmana

upp á marga fiska, þar sem nú á að gelda starfsemi gæslunnar.

Nú er staðan sú að það eru engir peningar til í rekstrinum.

Það á að segja upp allt að 30 starfsmönnum.

Og úthaldsdögum varðskipanna verður fækkað til muna og öllu

flugi verður haldið í lámarki.

Seint á síðasta ári tók landhelgisgæslan við forustuhlutverki North Atlantic Coast Guard Forum.

Að NACGF standa 20 strandríki Norður Atlantshafsins.

Hlutverk gæslunnar var að móta og stýra stefnu þessara samtaka, til dæmis hvað varðar

mengunareftirlit, veiðieftirlit og svo auðvitað björgunarstörf á hafinu.

En nú er forustu okkar í NACGF sennilega lokið vegna bágrar stöðu Landhelgisgæslunnar.

Þetta er að verða auma ástandið hjá okkur þegar við leggjum öryggi okkar að veði.

Hvað verður næst ?

Kristján út.

 

Jæja þeir tínast út smá saman stjórarnir í bönkunum.

Betra er seint en aldrei er oft sagt.

En ég verð að segja að það er til skammar hvað þessir höfðingjar

hafa fengið að sitja lengi í stólunum sínum í bönkunum.

 

En það er gott að Kristján hefur yfirgefið bankann, en það eru bara

svo miklu fleiri sem verða að fara.

Til að mynda verður að koma bankastjórum Glitnis og Landsbankans

þeim Birnu og Elínu út ekki seinna en strax.

Þegar allt þetta lið er komið út þá verður kannski hægt að mynda 

traust milli almennings og bankanna fyrr ekki.

 

Kristján hefur örugglega nóg að gera við að reyna að stjórna félagi

sínu og konu sinnar sem heitir 7 hægri ehf.

Gaman væri nú að vita um skuldirnar sem eiga að vera þar.

Eða eru kannski engar skuldir þar ? Hver veit.....................

Þið sáuð nú bjánaganginn í máli Birnu bankastjóra, svo ekkert er heilagt þegar kemur að skuldum

stjóranna.

 

Mikið væri það nú gott ef Þorgerður Katrín eiginkona Kristjáns færi nú að fordæmi eiginmannsins

og segði upp sinni vinnu líka.

Því það er komið fyrir henni eins og Kristjáni að hún er rúinn öllu trausti.

 

Eiríkur hinn nýji formaður Framsóknar ?

 

 Nú heyrast þær raddir að, fólk í Framsóknarflokknum sé að reyna

að fá Eirík Tómasson prófessor til að skella sér í formannsslaginn.

Ég held að Eiríkur gæti orðið nokkuð góður sem formaður framsóknar.

Hann hefur staðið sig vel í því sem hann hefur tekið sér fyrir hendur

hingað til, en það er spurning hvernig hann yrði sem leiðtogi.

Eitt er víst að ekki eru þeir kandídatar sem þegar hafa gefið kost á sér

líklegir til afreka sem leiðtogar framsóknar að mínu mati.

Sigmundur og Höskuldur sem formenn nei nei ég er ekki alveg að sjá þá fyrir í djobbið.

Og Páll Magnússon !!!!!! Guð forði Framsóknarflokknum frá slíkum hamförum.

 

Eiríkur Tómasson er sonur Tómasar Árnasonar fyrrverandi ráðherra framsóknar

og Seðlabankastjóra.

Þannig að hann er vel innvinkaður í Framsóknarflokkinn.

 

 

Góðar fréttir.

 

 

Ánægjulegt að heyra þessa tilkynningu frá siglingamálastofnun íslands.

Að engin maður hafi látið lífið á síðasta ári í sjóslysi á íslensku skipi.

 

Menn hafa látið lífið við strendur íslands á hverju ári síðan land byggðist hér.

Svo þetta er fyrsta árið sem enginn ferst.

 

Það eru nokkrar ástæður sem hér liggja að baki.

Skipin eru alltaf að verða betri og betri.

Það er alltaf verið að endurskoða og herða öryggisreglur til sjós.

Einnig hefur aukin öryggisfræðsla fyrir sjófarendur mikið að segja.

 Og svo spilar mikill fækkun sjómanna auðvitað stóra rullu í þessu.

 

Vonandi verður árið sem nú er gengið í garð jafn gæfuríkt íslenskum sjómönnum

og árið 2008.

 

 

 

Enginn lét lífið í sjóslysi árið 2008

Gleðilegt nýtt ár.

Ég vil óska öllum vinum og vandamönnum nær og fjær til sjávar og sveita farsældar og gleði á nýju ári.

 

 

Bestu kveðjur frá Canada.

Jenni og Beverley.

 

 

 

Flugeldar.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Undanfarna daga hafa heyrst raddir sem hvetja til þess að fólk kaupi ekki flugelda í ár og spari

frekar peninginn. 

 

En enginn hefur hvatt til þess að kaupa ekki áfengi fyrir þessi áramót og spara þannig.

 

Ég segi kaupið flugelda en stillið kaupunum í hóf, og skjótið upp um áramót og gleðjið börnin.

Og sleppið kaupum á áfengi og neyslu þess um áramótin, og gleðjið börnin enn og aftur.

 

Allt er best í hófi.

 

 

Gleðileg Jól.

Gleðileg Jól.

 

Henda öllu ruslinu út.

 

 

 Verður ekki að skipta upp öllu batteríinu í stjórnkerfinu ?

 

Þjóðin er mjög reið og hefur misst allt traust á ráðamönnum.

Forsætisráðherra ætti að hafa vit á því að biðjast lausnar fyrir

sig og ríkistjórnarinnar í heild sinni.

Geir hefur gjörsamlega brugðist í starfi sínu og það allsvakalega, og ríkistjórnin öll.

 

Einnig þarf að segja upp allri stjórn Seðlabankans og einnig

öllum seðlabankastjórunum.

Stjórn bankans og bankastjórarnir hafa sannað svo innilega

að engin í þeirra röðum er hæfur.

 

Og stjórn Fjármálaeftirlitsins  ásamt öllum starfsmönnum þess

verður að víkja.

Fjármálaeftirlitið brást algerlega skildu sinni.

 

Það á að segja öllum strax upp störfum sem voru í lykilstöðum bankanna fyrir hrunið og starfa

þar enn.

Við getum ekki myndað traust til bankanna með þetta fólk þar enn við völd.

Þessir starfsmenn tóku þátt í spillingunni sem var innan bankanna og það er ekki forsvaranlegt

að hafa þetta lið í bönkunum.

 

Einnig held ég að Forseti Íslands ætti að biðjast lausnar.

 

Tími réttlætis og heiðarleika kemur aldrei ef við höfum þetta spillingar lið áfram í framlínunni.

Nei við verðum að endurheimta það traust sem við höfðum sem Íslensk þjóð.

Það vinnst ekki aftur nema við hreinsum allan skítinn í burt.

 

 

 

 

Dagur vonar.

 Til hamingju allir.

 

Barack Hussein Obama er nýkjörinn forseti USA,

ég er mjög ánægður með val Bandaríkjamanna

á forseta í þetta sinn.

Ég gat aldrei skilið það þegar Bush varð forseti

og hvað þá að hann yrði tvö kjörtímabil.

Ég held að Obama komi með ferskan vind inn í

Hvíta Húsið.

Og taki hressilega á spillingu og ósóma.

Og ég vona að hann taki til hendinni hvað varðar

hernaðarbröltið hjá þjóðinni sinni.

 

Vonandi er runninn upp dagur vonar og réttlætis.

Ég bind miklar vonir við Obama sem forseta USA.

Ég vona svo sannarlega að hann verði maður

orða sinna og standi við kosningarloforðin sín.

 

Bush tíminn hefur verið heimsbyggðinni allri alveg

skelfilegur.

Svo nú er vonandi kominn tími friðar og réttlætis.

 

 

 

 

 

 

 

 

Obama kjörinn forseti

Ljóti drullupollurinn.

Þetta er að verða ljóti drullupollurinn.

Það verður að flýta rannsókn á öllum þessum

ósóma sem hefur átt sér stað innan bankanna.

Og draga þessa fjárglæframenn til saka.

Það virðast ekki hafa verið nein takmörk á ruglinu.

Að fella niður ábyrgðir á tugum miljörðum, hjá

toppum bankans það er alveg magnaður gjörningur.

 

Persónulegar ábyrgðir starfsmanna felldar niður