Færsluflokkur: Trúmál og siðferði

Omega farin að freista fólki eins og sá með hornin.

omegal1

Omega selur blessun Guðs.

Það er ekkert smá vald sem sjónvarpstjóri Omega telur sig hafa. Hann lofar fólki nýjum bílum, nýju húsi, hærri bankainnistæðu semsagt gulli og grænum skógum ef þú gefur sjónvarpstöðinni pening. Þetta gerir hann í nafni Guðs. Dómkirkjuprestinum finnst þetta ósmekklegt og dapurlegt, það finnst mér líka.

"Biðjið, og yður mun gefast, leitið, og þér munið finna. Knýið á, og fyrir yður mun upp lokið verða."Matteusarguðspjall 7:8   Þetta segir Jesús Kristur sjálfur. Hann talar ekkert um að við þurfum að borga þriðja aðila fyrir með peningum til að hlustað verði á bænir okkar í himnasölunum.

En Jesús Kristur varar okkur aftur á móti við svona vörgum sem þykjast vera spámenn, og segir.  "Varist falsspámennina. Þeir koma til yðar í sauðaklæðum, en innra eru þeir gráðugir vargar."  Matteusarguðspjall 7:15.

Mér finnst þetta svo mikil lákúra af sjónvarpstjóranum að senda út svona bréf, og selja blessun Guðs. Hann er að halda því fram að það sé nóg að moka peningum í Omega þá séu allir vegir færir. Nóg af lífsins gæðum. Selur hann ekki næst syndaaflausn þannig að maður verður öruggur með sæti hjá himnaríki. Nei maðurinn á að hafa vit á því að skammast sín og það allverulega. Við sem erum kristin vitum að svona gengur þetta ekki fyrir sig.

Ég hef heyrt um náunga sem bauð Jesú öll lífsins gæði. En hann var með horn og hala.


Spilin minna á trúnna.

 

bible

Úr dagbók prestsins í Danmörku

 Í gamla daga átti fólk það til að segja í gamni; “Nú skulum við fletta svolítið í sálmabókinni.” Þetta þótti nokkuð skemmtilegur leikur. Þá höfðu spilin margs konar merkingu, ekki síður trúarlega en veraldlega. Trúræknir menn töldu þó allt til vorra tíma spilamennsku vera af hinu illa, og beinlínis syndsamlegt að stytta sér stundir með spilaleikjum. Í dagbók sína skrifar presturinn eitthvað á þessa leið. Nýlega rakst ég á gamla sögu hjá vini mínum, sem mig langar til þess að segja frá.: “Hermaður var í kirkju. Meðan á guðsþjónustunni stóð, tók hann upp spil og skoðaði þau nákvæmlega. Svo óheppilega vildi til, að einn af yfirmönnum hans var í kirkjunni og sá til hans. Kærði hann hermanninn fyrir herforingjanum, en hann var enginn annar en sá sem síðar varð Friðrik konungur sjöundi. Hermaðurinn var tekinn til yfirheyrslu þegar í stað. Hann sagði prinsinum að hann hefði aldrei lært að lesa, en móðir sín hefði kennt sér, hvað spilin táknuðu. Prinsinn vildi fá nánari skýringu á því, og fékk hana skilmerkilega hjá hermanninum.

playcard

 Þegar ég sé Ás minnir það mig á, að það er bara einn Guð og hann hefur skapað himin og jörð. Tvistur segir mér, að Jesús sé bæði guðlegur og mannlegur. Þristur segir mér, að það séu þrjár persónur í trúnni, Faðir, sonur og heilagur andi. Fjarkinn minnir mig á guðspjöllin, Mattheusar-, Markúsar-, Lúkasar-, og Jóhannesarguðspjöll. Fimman táknar fimm kraftaverk Jesú. Sexan segir mér, að það séu sex vinnudagar í vikunni. Sjöan að halda hvíldardaginn heilagan. Áttan, að það voru aðeins átta sem komust af í syndaflóðinu. Nían og Tían segir frá því, þegar Jesús læknaði tíu líkþráa og níu voru vanþakklátir. Laufagosann setti setti hermaðurinn til hliðar og sagði að hann væri einskis nýtur. Kóngarnir táknuðu vitringana þrjá frá Austurlöndum, sem tilbáðu Jesúbarnið. Drottningarnar táknuðu Maríu mey og konurnar þrjár sem fóru til grafarinnar. Gosarnir þrír voru böðlarnir sem krossfestu Jesú. Það eru 12 mannspil spilunum og jafnmargir mánuðir í einu ári. Spilin eru 52 og jafnmargar vikur eru í árinu. Það eru 365 punktar í spilunum eins og dagarnir í einu ári. Lauf þýðir kross Krists. Spaði gröf hans. Tígull höfuðáttirnar fjórar. Hjarta segir að maður eigi að sækja kirkju af trú og gleði. Gott sagði prinsinn, en hvað með laufagosann? Hann táknar Júdas sem sveik Jesú – eða yfirmanninn sem kærði mig. Hermanninum var ekki refsað, heldur var honum launað fyrir útskýringarnar á spilunum, sem hinn hái herra hafði aldrei heyrt fyrr.”


Aðskilnaður ríkis og kirkju.

 bilde?Site=XZ&Date=20070219&Category=FRETTIR04&ArtNo=70219025&Ref=AR&MaxW=260&MaxH=190&NoBorder=1

Verður ríki og kirkja skilin að á næstu fjórum árum ?

Mjög sennilega verður Þjóðkirkjan enn undir væng ríkisins eftir fjögur ár, og þá sennilega ekkert

búið að gera neitt með það að skera á strenginn þar á milli.

Mér finnst trúarlíf þjóðarinnar blómstra í dag, og ekki mundi það minnka þó að ekki yrði Ríkiskirkja

í landinu. Trúarþörfin yrði jafnmikil þá og nú, við erum jú Kristin þjóð og það breytist ekki við

aðskilnað ríkis og kirkju.

Það yrði til mikilla bóta ef prestar yrðu ekki lengur opinberir embættismenn, þeir yrðu þá starfsmenn

Guðsríkis en ekki Íslenska ríkisins, og yrðu þá menn í prest starfi eingöngu vegna köllunnar sinnar

sem ég held því miður að það sé ekki svo með alla presta í dag. Við þurfum presta sem starfa eins

og miskunnsami samverjinn en ekki eins og frosnir skrifstofumenn.

Kristur hefði örugglega ekki samþykkt að kirkjan yrði undir stjórn ráðherra og forseta, sem kannski

eru ekki kristnir. Er ekki bara best að trúin verði einkavædd eins og allt annað ?

Þá geta leiðtogar allra trúfélaga landsins slegist um sálir þessa lands og þá yrði nú fjör í trúarlífi

landsins trúarlífi sem ríkið skiptir sér ekki af heldur stjórnast af siðaboðskap kristninnar sem byggir á

boðskap Jesú Krists, en hann sagði ",Elska skalt þú Drottin, Guð þinn, af öllu hjarta þínu, allri sálu

þinni og öllum huga þínum.´Þetta er hið æðsta og fremsta boðorð. Annað er þessu líkt :´þú skalt

elska náunga þinn eins og sjálfan þig.´Á þessum tveimur boðorðum hvílir allt lögmálið og

spámennirnir."(Mt 22.37-40)

Marteinn Lúter sagði " Kristið líf byggist á trú og hjálpfýsi". Ekki pólitík eins og margir halda.

En auðvitað verður vandamál í skilnaði kirkjunnar og ríkisins þegar kemur að eignum kirkjunnar en

árið 1907 var gert samkomulag að ríkið hefði umsjón með eignum kirkjunnar sem eru jú miklar

En það á ekki að vera vandamál að borga kirkjuna út annað eins er nú gert

 Orðið kirkja er komið úr grísku kyriakón sem merkir eiginlega

"Það sem er tilheyrir Drottni: Drottins hús".

Þannig að kirkjan tilheyrir ekki ríkinu.

 

Þá


Innskráning

Ath. Vinsamlegast kveikið á Javascript til að hefja innskráningu.

Hafðu samband